Juli 2001 Nr.1 Årgang 1 Nederst på siden: kjørestatistikk og regneskap Til startsiden

"..og har som mål i livet å kjøpe seg en Think"

Vi har no hatt Thinken ein månad og er svært godt fornøgd. Den gamle Caravellen har vorte bil nummer 2, og vi ser alt no at den truleg vil bli køyrd relativt lite ut gjennom året. Nett no har den motorhavari, og vi har berre Thinken. Det har gått overraskande bra, men vi ser også at dersom vi hadde hatt berre den, ville vi fått ein del avgrensingar også i køyringa. 

Hovudinntrykk

Snerten og lettkøyrd Det som vi særleg har merka oss denne månaden, er at bilen er utruleg grei til småkøyring. Sjølv om den verkar stor inni, er den faktisk berre knapt 3 meter. Dermed smett den fram stort sett overalt. Sjølve køyreteknikken er også enkel, mellom anna det at farten kan reduserast svært enkelt med gasspedalen også i køkøyring. God bagasjeplass Den gode bagasjeplassen og den store bakluka er også praktisk på ein nærtrafikkbil. Enten det er kalk og gjødsel til hagen, varer frå Rema eller bagar som skal fraktast, er det god plass og det er greitt å laste inn.

• Rekkevidde
  Eg har tidlegare antyda at ei rekkevidde på 60-70km er uproblematisk, og at lengre strekningar kan tilbakeleggast dersom ein legg vinn på rasjonell køyreteknikk, og ikkje heile turen skal tilbakeleggast i 80-90km/h. Erafinga seier at dette er ei forsiktig antydning. Nederst på denne sida skriv eg litt om det.
  Til vår daglege køyring er ikkje rekkevidda noko stort problem. Men det er viktig å kjenne bilen sin avgrensing. Vi er ikkje typar til å stadig sette nye rekordar. Tvert om knyt det seg litt dersom lademetret nærmar seg null. Her treng ein litt tid før ein får dette "i blodet". Men alt no begynner vi kjenne bilen godt nok til å vite når vi skal bruke den og når den må "matast" litt til først. Vi har hatt to turar der vi har lagt inn "naudstopp" for å lade. Dette har først og fremst med at vi ikkje kjenner bilen godt noko ennå. Den gamle Caravellen har så desidert vorte ein bil nummer 2! Den har vorte brukt ein del som traktor/buss, altså transport av sand, takstein eller mykje folk, og her hadde ikkje andre småbilar kunne gjort jobben heller. Ser vi bort frå dette, har den vore lite i bruk. 
• Fart og kraft
  Det går fint å følgje trafikken. Det er ingen strekningar i vårt aksjonsområde som er slik at ein ikkje følgjer trafikken. Det er klart at spreke biler spurtar frå i 95 i motbakkane på to-felts-vegar, men det er ikkje noko problem. Det einaste gongen ein kan sinke trafikken litt, er når ein skal utnytte køyrelengda fullt ut, og dermed slakkar litt ned (70) i enkelte motbakkar for å spare straum. Ut frå kryss er bilen kjapp og fin, så det er lett å smette inn i luker i trafikken!
• Lydlaus, eller...
  Det er ei flott oppleving å snigle seg rundt på sakte fart nesten utan lyd! Men det kan vere farleg også. Nyleg stod det eit menneske midt på bygdevegen. Eg rekna med at ho flytta seg når bilen kom nærare, men eg måtte stoppe heilt opp ein meter ifrå før ho skjøna at det kom ein bil. Det viste seg at ho var svaksynt, og ho hadde faktisk verken høyrt eller sett at bilen kom!
  Imiderltid er støydemping, eller mangel på det, ved høge hastigheter eit ankepunkt mot bilen. Det er faktisk ein del støy både frå hjul og transmisjon (overføring frå motor til hjul). Her har fabrikken etter mi meining ikkje fullt ut utnytta det potensialet som ligg i bilen. 

Dei små ting

Instrumentbord Bilen har ryddig og grei instrumentering med god oversikt. Ein fin detalj er at mange av brytarane er plassert oppe på dashbordet. Dermed ligg dei i synsfeltet. Desse skulle imidlertid vore felt ned omlag ein centimeter, eventuelt kunne det vore bygd ein liten kant rundt. Dette fordi det er vanskeleg å sjå om dei lyser i sterkt motlys. Girspaken er noko for seg sjølv. Det er ein stor elektrisk vippebrytar på dashbordet, så det går kjapt å skifte frå revers til å køyre framover! Ein annan nyttig sak er varmetrådar også i frontruta. I små bilar verte det lett dogg når ein set seg inn med våte klede. Varmetrådane fjernar dette kjapt.
God oversikt Detaljen med at heile bakluka er i glas, er faktisk ganske nyttig. Når det ikkje er baksete, får ein svært god oversikt bakover, og dette bidrar til auka trafikktryggleik ved rygging. Flott! Det er store dører som gjer det lett å stige inn og ut. Det er god plass i setene også for lange personar, og førarmiljøet er luftig slik at det verkar som ein sit i ein større bil. Etter mange år i minibuss saknar eg dei store og gode utespeila. No finn ein ikkje dei på andre småbilar heller, men speila burde vore elektrisk justerbarre. Eit lite irritasjonsmoment er at det i regnvêr kjem eit par dropar på setet når ein opnar døra. Ein verkeleg fiks detalj er vindusspylardysa som sit på viskaren. Strålen med spylarvæske følgjer altså viskaren rundt. Det er faktisk svært effektivt!
Lading Lading har gått heilt OK. Det fungerer svært greitt og liketil. Det er støy frå ei vifte første del av ladetida, deretter slår den seg av.

• Økonomi
  Vi har hatt utgifter til straum, nokre kroner til eit besøk i parkeringshus, ellers ingenting. Ingen bompengar, ingen parkeringsagift til vanleg byparkering, ingen bensin. Sjå rekneskap lenger nede på sida. Ein ivirg familiemedlem har uavhengig av elbilen hatt ein kampanje for straumsparing i huset vårt. Dersom hennar målingar er rette, har vi enkle tiltak spart inn det meste av den straumen som går til elbilen! Elles viser eg til reknestykket under "Rimligere enn de store" der det går fram at skifte av straumleverandør kan betale ein god del av straumkostnaden. Det undrar meg verkeleg at ikkje fleire nyttar dette høvet til å spare pengar. I valkampen vert det fokusert avgifter. Ein reduksjon i elavgifta på 1 øre som har vore antyda, gir for dei fleste mindre innsparing enn å skifte straumleverandør! 
  Forsikring er betalt. Denne er utan bonus, altså ikkje bonustap ved skade. Ellers er årspremien på 2.870 kr mykje lavare enn anna forsikring på bil nummer 2. Altså berre vellete så langt på dette området!
  
  Sjå elles artikkelen "Elbilens totaløkonomi".
  
  
• Mykje interesse!
  Bilen vekker mykje oppsikt. Mange kikker på bilen, og fleire stopper også opp og spør korleis det er å ha en slik bil. Det er berre triveleg!  Det er sjølvsagt helseplikt når en møter ein annan Think, og jammen går det etterkvart nokre stykke langs vegen! Det er faktisk også fleire enn eg trudde som seriøst vuderer å kjøpe elbil. Desse får dette svaret frå meg: "Løp og kjøp!"

Køyrestatistikk og reknskap 

Lengste køyring på ein dag er 142 km. Dette er gankse langt, men det er faktisk uproblematisk å køyre ein god del lenger. Når det gjeld lengste på ei lading som er 77 km, kan ein klart køyre lenger. Eg fekk mail frå ein på Østlandet som hadde sett ny personleg rekord med 126 km på ei lading! Men for meg som køyrer ein god del i 80-sone, er slike lengder ikkje realistiske. Som ein tommelfingerregel, kan ein seie at 60-70 km er uproblematisk uansett køyremønster. Skal ein lenger på ei lading, må ein tenke seg om, særleg dersom mykje av køyringa foregår i 80-sone. Her må det også skytast inn at batteria ikkje når full kapasitet før etter ei tids bruk, og mine erfaringar er frå heilt ferske batteri.

• Fritatt for offentlige parkeringsavgifter.  Betaler i parkeringshus, men får gratis strøm i Bygarasjen.
• Bilen er fritatt for årsavgift og alle bompenger!
• Forsikring er med fri kjørelengde og det er en bonusfri ordning.
• Det er ved kjøpet betalt for tre års årlig service. Ikke tatt med her.
• Avdrag og renter av kjøpesum for bil, ekstrautstyr og tre års service utgjør et fast månedlig beløp avhengig av hvilke avtaler for lån en har. Det er ikke tatt med her.
• Se ellers artikkelen "Elbilens totaløkonomi"

Minner om at det er penger å spare på å skifte strømleverandør. Skifte gir meg gratis strøm til kjøring t/r arbeid det neste halve året! Se artikkelen "Rimelegare enn dei store".